SEJARAH AWAL KEBANGSAWANAN DI TANAH MANDAR

Iyanae seuwa passaleng. Pannassai abbatirEnna Arung MangkauE riolo ri Balanipa. Uru diang na tau di Mandar, Ulu Saqdang mo naengei pottana. Iyamo naengei tappa To Dipanurung Di Langi disanga To Banua Pong. Iamo peanangani I Lando Beluwa. Iyamo tappa di Gowa. I Laso Keppang. Iyamo tappa di Luwu. I Lando Guttu. Iyamo tappa di Ulu Saqdang. Usuq Sabambang monro di Karonangang. I Paqdorang. Iyamo tappa di Benuang. Mebaine daiq. Napebaine Aratiwi. Ana maraqdiamo I Tasudidi. I Tasudidi mo peanani I Sibanang. Iyamo tappa di Mamasa. Iyamo tama di Masupu anna disanga I Bongka Padang. Iyamo pebainei disanga I Sanrobone. Diong di buttu bulo. Tau pole dimatanna Soreang lopi. Iyamo napeana disanga I Belo Rante. Iyamo peanani To Miteqeng Bassi. Iyamo peanani Daeng Lumale. Disanga Daeng Lumale. Iyamo mappadiang ana sanging sammesa. Uru-urunna disanga Daeng Tumana. Diong mi tia dipeurangang. Dadduanna isanga I Lamber Susu. Iyamo tappa di Mekka (tta ?). iyamo disanga Daeng Mangana. Iyamo tappa di Tabulahang. Tatallunna disanga Apena I Samba Lima. Iyamo di Tabang. Lima na Lao Mesa. Iyamo tappa di Ulu Salu. Nene na To Bala. Annanna Tau da(da?)ri. Iyamo tappa di Mamuju. Pitunna disanga Daeng Palulung. Iyamo tappa di Sendana. Aruana To Dipikusi iyamo tappa di Malaqbo. Ammesana. Anna tau Lambanang. Iyamo tappa di Mabunene. Nenena to Sabura. Nenena to Batu. Sangisana To Dipangimbulu. Iyamo tappa di Botteng. Sanging sammesa na. To Pali. Iya dipeanani I Tabittoeng. I Tabittoeng. Iyamo peanani I Taurra-urra. I Taurra-urra mebaine doqmai di Lemo. Diangmi I We Apas. I We Apas mo dipebaine Puang Di Gandang anna diang mo To Dilaling. Daiq mi di Maqasar mappadiang mi anaq mesa tommuane, tattallu tobaine. Mesa memmuane naung di Todang-todang. Mesa memmuane tama di Alu. Iyamo didimanna to kalimbua. Mesa memmuane naung di Banggae iyamo didimanna to Tande. Itommuane, iyamo disanga To Mepayung. Iyamo peanani Daeng ta tobaine. Polena dai di Maqasar I Todilaling, anna dipebaine mi indo na To Di Jalloq. Diang mi To Di Jalloq. Iyamo peanani Daeng Ta Tommuane. Iyamo siala boyang pissangna Daeng ta Tommuane, Daeng ta Tobaine. Dipeanammi To Mate Magarring. To Di pessung (?). To Di Boseang. To Matindo di Burio. To Matindo di Sattoko.

...........................

     Apa luare tommuane na indo na To Di Jallo iyamo ipenanni I Pasu Tau. Malotong lilana sassigiq. Rindu ular balu toi. Iyamo disanga Puang di Pojosang. Melluluareq toi I Puang Di Rano. I Puang Di Pangale. I Puang di Mettajirang. Milluluareq toi Puang di Gandang. Iyamo menjari puang ana appona. I Puang di Tammajarra. Iyamo menjari tau pia. I Puang di Rano iyamo menjari pappuanganna to Napo. I puang di Pangale iyamo menjari pappuanganna to Samasundu. I Puang di Ceba i tia, to pole-pole di tia. To Biru ditia. Mettambeng di Samasundu. I Puang di Pojosang iyamo disorong sau di bonde mambawa tau sallessorang dipajari sakkaq manarang. Na poparemba I Taqbilowe. Iyamo maissang laqbi Banua Kaiyyang Napo, Samasundu. Napematami napetalinga mi pappuangang di Tamangalle. Meboyangpissang To di Jallo I Puang di Poyosang. Siolami Tomeppayung anna rumpa Passokkkorang. Anna nanamimaraqdia matoami To di Jallo. Iyamo mappauru-uruang maraqdia matoa. To di Jallo. Anna siola mo mappakaiyang litaq di Balanipa. Iya tomo mappepeolo mega (?) Lego mega (?) Beluwa anna diangna mi Lego na po indopalli di buttu. Beluwa na po indopalli di ratte. Anna iya Lego, Tunuang Tanggarriq na i Pitu Ulunna Salu ........ Tammat.